Indi na intact sa karun ang Grupo Progreso suno kay Bacolod City Councilor Atty Renecito Novero,.
Sa interview sang Bombo Radyo Bacolod sa kongresista, humalin sang napierde tinalikdan nga eleksyon, wala na nakapatawag sang meeting si former Bacolod City Mayor Evelio ‘Bing’ Leonardia.
Apisar sini, sila ang nagasinapakanay man gihapon kun mag-inupdanay sa mga events.
Apang pahayag ni Novero nga apisar nagahilapit na ang filing sang Certificate of Candidacy (COC), wala pa makapatawag sang meeting ang grupo.
Sa pihak sini, kaangay nga maathag naman nga magapadalagan si Leonardia apang indi pa maseguro kun bilang Alkalde ukon Kongresista.
Samtang wala pa naghatag sang maathag nga sabat si Novero, kun siya ang magapapili sa 2025 Midterm Elections.
Nahibaluan nga ini ang last term na bilang konsehal sa ciudad sang Bacolod.
Pahayag ni Novero nga malawig pa ang tion kag ini ang magapaminsar pa sang husto.
Nagapati ini nga kun ginbuot sang Ginoo, makuha gid ang posisyon, apang bisan ano pa nga pilit kun wala ginabuot sang Ginoo ang ginalagas nga pwesto ang indi gid makuha.
Suno diri, sila nga mga last-termers nga mga konsehal ang may opsyon nga magpapili bilang alkalde, bise alkalde ukon kongresista.
Apang mahimo man nga indi na magpapili kag maghulat nga I-appoint sang magadaog nga alkalde.
