Mapalaron nga nadala sa competition sang Bacolod Film Festival ang naga-isahanon nga grupo nga ginalakipan sang mga estudyante.
Sa interview sang Bombo Radyo kay Director Chelsea Tasic sang ‘A Flower A Day’, nangin mabudlay para sa ila ang pagproduce sang film bangod nga madamo sila sang mga activities sa ila eskwelahan.
Suno diri, ang ila grupo ang ginalakipan sang kapin sa 38 ka mga indibidwal nga lunsay mga estudyante gikan sa nagkalain-lain nga mga buluthuan.
Suno diri, dako ang ila kakibot sang nahibaluan nga nadala sila sa competition.
Iban sa kabudlayan nga ila naeksperyensya amo ang kakulang sa oras, ang panahon, ang brown out nga nagpadelay pa gid sang ila trabaho kag ang pagtrabaho sa public space.
Apang, suno kay Tasic, gintinguhaan sang ila grupo nga mangita sang mga pamaagi agud matigayon ang ila shooting.
Pahayag ni Tasic, ang ila pelikula nga ‘A Flower A Day’ ang nakasentro indi lamang sa romance apang may makuha man nga esturya angot sa pamilya.
