Nagapanawagan ang Filipino Nurses United sa gobyerno nga magpatuman na sang travel ban sa United Kingdom kag iban pa nga mga pungsod nga may yara na sang rekord sang bag-o nga strain sang coronavirus.
Madumduman nga sa IATF meeting, ginpahayag ni Health Secretary Francisco Duque III kay Presidente Rodrigo Duterte nga ila lamang ikonsiderar ang travel ban kun may yara na sang community transmision nga napagkit sa country of origin sang traveler.
Sa interview sang Bombo Radyo Bacolod kay Jocelyn Andamo, media liason officer sang Filipino Nurses United, ginpahayag sini nga kuntani nakatuon na kita sa natabo sa pagtuhaw sang COVID-19.
Suno kay Andamo, bangud nga ulihi na nagpatuman sang travel ban sa China ang Pilipinas, kundi nahatagan sang tsansa nga makasulod ang virus sa pungsod kun sa diin asta subong nagapenitensya pa ang kada isa.
Dugang pa sini nga ang pagdumili sang travel nagikan sa mga pungsod nga may bag-o nga variant sang coronavirus ang pinakamaayo nga prevention agud malikawan nga magka-outbreak liwat.
Nagapanawagan man ang ila grupo nga islan na kuntani si Health Secretary Francisco Duque III.
Suno sa iya, dapat ang magapamuno sang health sector sa pungsod ang may yara sang maayo, rational kag scientific nga plano agud matapna na ang pandemic.
