Nagapanawagan ang grupo sang mga mangunguma nga Samahang Industriya ng Agrikultura (SINAG) sa gobyerno nga i-implementar ang isa ka floor price sa kamatis agud mabuligan ang mga mangunguma sa tunga sang oversupply.
Santo sa report, nagnubo sa P40 subong nga bulan sang Pebrero ang presyo sang kamatis nagikan sa P320 sang Enero.
Suno kay SINAG Executive Director Jayson Cainglet, wala sang problema sa ila nga madamo ang nagakalipay sa pagnubo sang presyo sang kamatis apang sa bahin sang mga producers, kuntani mabawi man lang ang ginansya kag makaangkon sang floor price.
Apisar nga pabor sa mga konsumedor ang pagnubo sang presyo, disbentaha naman ini para sa mga mangunguma nga nagaganar lamang sang P4 kada kilo bangud sa oversupply.
Apang ang issue sang oversupply ang makapila ka beses na nga na-eksperyensyahan sadto, nga gintunaan sang paghaboy sang mga mangunguma sang ila mga kamatis.
