Ginasuportahan sang grupo sang mangunguma nga Samahang Industriya ng Agrikultura (SINAG) ang plano sang Department of Agriculture nga pagdeklarar sang food security emergency ilabi na nagapabilin nga mataas ang presyo sang bugas.
Suno kay SINAG president Rosendo So, ang deklarasyon ang makapanubo sang presyo nga nagarange sa karun sa P40.00 tubtob P59.77 per kilogram sa Metro Manila as of January 11 santo sa price monitoring sang Department Agriculture.
Suno kay So, ginalantaw sini nga ang deklarasyon ang agud nga mabaligya ang bugas sang National Food Authority sa manubo nga presyo kag welcome development ini para sa ila kag ginasuportahan sang mga ini ang nasambit nga tikan agud nga bisan paano maganubo ang presyo sang bugas.
Ini ang kasunod sang pag-aprubar sang National Price Coordinating Council sang resolution nga nagaengganyo sa DA sa pagdeklarar sang food security emergency para sa bugas bangud ang presyo sini ang nagapabilin nga mataas.
Suno kay So, ang plano sang nasambit nga deklarasyon ang magabenepisyo indi lang sa mga konsumidor apang kasubong man sa mga mangunguma bangud ang NFA ang magabakal sang buffer stocks sa mga ini agud nga maulian ang ila nga mga supply sa tion nga ang ila sa karun nga stocks ang ipagwa na sa publiko.
