Ginpahayag sang Teachers Dignity Coalition (TDC) nga magafile ini sang petisyon sa Korte Suprema nga nagakwestiyon sang legalidad sang alloted budget para sa Department of Education para sa 2025.
Suno sa grupo, posible nga igaanunsyar subong nga adlaw, Enero 6, 2025 kun san-o sila magafile sang petisyon sang Korte Suprema.
Suno kay TDC National President Benjo Basas, daw kaangay nga ginlapas ang Konstitusyon sa pag-allocate sang mas dako nga budget sa DPWH imbes nga sa education sector.
Suno sa iya, sarang na nila nga mahambal kun san-o ipafile sa Korte Suprema ang petisyon agud kwestiyunon ang constitutionality sini.
Suno kay Basas, tinutuyo sang ila petisyon nga ma-clarify kag mapamangkot sa korte kun paano i-interpretar sang publiko ang education spending nga nakabutang sa Konstitusyon.
Suno diri, ang problema, agud mahilot nga mas madako ang education sector budget, ginlakip ang mga traditionally wala nama nalakip sa budget sang edukasyon.
