Mangin ang presidente sang Alliance of Concerned Teachers (ACT) Negros Occidental Chapter ang indi magpasugot nga mabutang sa risgo ang mga kabataan kun magbalik ang klase para sa School Year 2020-2021.
Suno kay Gualberto Dajao, ikaduha lang ang kaalam kun igakumpara ini sa ikaayong lawas sang mga kabataan.
Ginpanugyan sini nga samtang wala sang ginapatigayon nga mass testing sa siyudad, indi man anay dapat nga magbalik ang klase bangod wala pa mahibaluan kun may-ara pa sang wala madiskubre nga nagasuprer sang balatian.
Suno pa diri, indi kinahanglan nga sundon ang calendar sang DepEd kundi dapat magdepende nalang sa sitwasyon.
Ginklaro man sini nga kun indi makalagas sa pagsira sang klase, pwede naman ini nga ma-extend bangod sarang man nga makahimo sang amendment ang mga nagadihon sang layi.
Samtang, ginakonsiderar naman sini ang paghingyo nga magbukas sang mga manunudlo sa pribado nga sektor bangod wala sila sang ginabaton nga sweldo kun wala man sang operasyon ang eskwelahan.
Ginpahayag naman sini nga posible mapahanugutan ang liwat nga pagbukas sang pribado nga sektor bangod kalabanan naman sang mga estudyante sang mga buluthuan ang yara sa middle class nga estado kag may ikasarang sa kabuhi gani masarangan man sang mga ini ang online learning.
Samtang, wala naman sang isweldo sa mga manunudlo ang pribado nga mga buluthuan kun wala ini sang koleksyon nagikan sa tuition.
