Nagpanindugan ang chief executive officer sang Metro Bacolod Chamber of Commerce and Industry (MBCCI) nga indi pagpasaka sang sweldo sang mga empleyado ang problema sa karun kundi ang pagdugang sang trabaho.
Sa interview sang Bombo Radyo Bacolod kay Frank Carbon, ginpahayag sini nga ang gobyerno ang dapat maghimo sang madamo nga trabaho paagi sa pagbutang sang binilyon nga mga pondo sa imprastraktura.
Suno kay Carbon, sa tion nga magdamo ang trabaho, madamo man ang may income kag madamo naman sang mga negosyo nga magabukas.
Suno diri dapat madamo man sang mga investments nga magasulod sa pungsod agud magdamo man sang trabaho.
Samtang, ginpahayag man sini nga dapat may yara sang subsidy agud nga mabuligan ang mga beneficiaries.
Suno kay Carbon dapat man nga magtanyag ang Landbank kag DBP sang barato nga loans agud makarecapitalize ang Micro, Small and Medium Enterprises (MSMEs).
Nagpanugyan man ini nga dapat indi pa maghatag sang kompiyansa bangud indi mahimo nga magkalockdown liwat bangud sa COVID-19 nga makatuga agud nga indi na makabutwa ang ekonomiya.
Sa pihak nga bahin maayo naman nga balita para sa mga ini ang pag-aprubar sang amendments sa deregulation law.
