Ginahingyo ang mga market vendors nga hagan-haganon ang pagpasaka sang presyo sa mga baligya labi na sa karun nga kapigaduhon.
Sa interview sang Bombo Radyo kay Frank Carbon, chief executive officer sang Metro Bacolod Chamber of Commerce and Industry (MBCCI), may yara sang nagatrabaho nga nagabaton lamang sang insakto ukon kulang nga sweldo nga nabudlayan sa pagpangabuhi.
Gani, iya gin-ayo ang siyudad pamaagi sa public market nga indi pagtudohan ang pagpasaka sang presyo sa mga baligya.
Santo sa pag-monitor sini, mataas na ang presyo sang mga balaklon sa karun nga indi na kinahanglan pagpasakaan pa gid karun nga nagahilapit na ang holidays.
Bangod sa tuman ka mahal nga balaklon, mabudlay na magbakal sang isda kag utan sa merkado.
Gani, ginlauman ni Carbon nga gilayon ma-implementar ang ginaduso sini nga dilian ang tuman nga pagpasaka sang presyo.
Mensahe sini sa mga negosyante ilabi na sa merkado, indi pagpamahalon ang baligya kag hatagn man sang tyansa ang pigado nga makakon sang maayo sa kapaskwahan, SAMTANG…Aminado si Frank Carbon, chief executive officer sang Metro Bacolod Chamber of Commerce and Industry nga kasubong man nga madamo sang makabenepisyo sa paglibot sang kwarta sa siyudad sang Bacolod gikan sa mga negosyante kag mga customer subong nga holiday season.
Suno kay Carbon, yara na sa tradisyon sang Pilipino ang pag-pagwa sang kwarta kun magselebrar sang Paskwa ukon bag-ong tuig.
Suno diri, madamo sang kwarta ang nagasulod sa siyudad nga makahatag sang benepisyo sa mga mall, transportasyon, hotel kag restaurants.
Iya man gindayaw ang traffic plan sang siyudad nga sa karun indi na tuman kahinay sang trapiko, kasubong man nga may yara sang truck ban kag one way traffic nga nag pagligwa sang dalanon.
Bangod sini, mahapos ang pagsulod kag paggwa sang tagsa sa siyudad kasubong man ang paglibot sang kwarta.
