Nagpanindugan ang presidente sang Filipino Nurses United nga valid ang panawagan sang mga kaupod sini nga mga health workers nga ibalik sa Enhanced Community Quarantine (ECQ) ang Metro Manila bangud tuman na kadamo ang mga gin-admit nga mga Covid-19 patients sa mga ospital kag ginakulang pa ang staffing sang mga healthcare workers.
Nahibaluan nga kagab-i, gin-akigan ni Presidente Rodrigo Duterte ang grupo sang medical associations kasunod sang ila panawagan bangud nagapati ini nga gina-demean ukon ginapakanubo ang iya administrasyon.
Suno kay Maristela Abenojar, indi maayo nga kalakip na sa mga naapektuhan ang mga healthcare workers bangud sila ang naga-atender kag nagabulong sa mga pasyente.
Suno pa diri, madugay na nila ini nga ginahingyo sa gobyerno nga hatagan sang duha ka semana nga quarantine period ang mga nurses kag doctors agud mapanilagan man nila ang mga kaugalingon kun sila ang nalatnan na sang masakit.
Suno kay Abenojar, dapat man mahatagan sila sang prayoridad sa swab testing kada duha ka semana agud mahibaluan kun infected ang mga ini sang virus.
