Nagpabutyag sang concern ang isa ka rice retailer group sang Miyerkules natuhoy sa anunsyo sang Department of Agriculture nga magalunsyar ini sang P20 per kilo nga rice program.
Suno sa Grains Retailers Confederation of the Philippines (Grecon), ang DA ang dapat nagrelease sang mas maathag nga guidelines sa program agud indi ini pag-abusuhon sang iban nga customers.
Suno kay Grecon Spokesperson Orly Manuntag, kinahanglan sang maathag nga guidelines kun paano ini ibaligya bangud posible nga ini ang abusaron sang iban nga mga konsumedor bangud dako ang deperensya sang P20.
Suno kay Manuntag, ila na-obserbahan ang price range nga P35 tubtob P45 per kilo sa imported nga bugas kag pila ka local rice sa price range nga P48 tubtob P50 kada kilo.
Suno diri, sila ang nakibot man sa anunsyo bangud sila ang wala mapahibalo sang gobyerno.
Gin-anunsyar sang Department of Agriculture sang Miyerkules nga magalunsyar ini sang P20 per kilo nga rice program sa Visayas region sumugod sa masunod nga semana.
