Indi mag-upod ang mga taxi units sa Bacolod kag Negros Occidental sa patigayunon nga People’s Rally nga dunganan sang untat-byahe sa Lunes kag Martes.
Sa interview sang Bombo Radyo kay Mario Eusebio, presidente sang Taxi Operators in Negros Occidental, wala nagaupod ang grupo sa strike bangud may obligasyon sila sa idalom sang franchise nga idul-ong ang mga pasahero.
Base sa survey suno kay Eusebio, halos tanan nga miyembro ang indi magparticipate sa transport strike apang ang iban naman nga units ang magaschedule sang maintenance sa duha ka adlaw.
Sa tion nga indi magbyahe ang isa ka unit suno kay Eusebio, dugang ini nga losses para sa ila bangud duha ka adlaw nga wala sang income ang driver.
Aminado ini nga indi local issue ang pagsaka sang gatong gani antos lang anay ang mga driver samtang ginadihon ang amendment sa Oil Deregulation Law.
Naintindihan sang TONO president ang kawsa sang iban nga driver apang nagpanawagan ini sa mga driver nga magpadayon lang sa pagserbisyo.
