Nagahingyo ang grupo sang mga nagabaligya sang tinapay kag sardinas sang pagsaka sang presyo sa ila nga mga produkto sa Department of Trade and Industry.
Suno sa Sardines Association of the Philippines, nagahingyo sila sang P3 nga pagsaka sa kada delata sang sardinas.
Ginpahayag ni CSAP spokesperson Bombit Buencamino, nagsaka na ang minimum wage, kasubong man ang presyo sang mga isda kag gasoline gani nagakadapat nga maghingyo ang mga ini sang price increase sa ila nga produkto.
Ang nasambit nga sa P3 nga pagsaka sa presyo sa ila nga mga produkto ang ila na ginaduso sang nakaligad pa nga duha ka tuig.
Samtang P5 naman sa kada putos sang Pinoy Tasty ang ginaduso sang PhilBaking bangud sa mga pagsaka man sa presyo sang mga raw materials.
Ulihi nga naaprubahan nga pagsaka sa presyo sang tinapay ang duha na katuig ang nagligad.
Una na nga ginpahayag sang DTI nga ila na nga ginatun-an ang tanan nga mga ginahingyo nga price increase.
