Ginkalipay sang grupo sang unconsolidated jeepneys sa ciudad sang bacolod ang pag-grant sang Provisional Authority sang Land Transportation Franchising and Regulatory Board (LTFRB).
Sa interview sang Bombo Radyo Bacolod kay Rudy Catedral, presidente sang Bacolod Alliance of Commuters, Operators and Drivers (BACOD) – Manibela, kadalag-an ini para sa ila tanan nga unconsolidated jeepneys kag sa tanan nga wala nag-upod sa palpak nga modernization program sang gobyerno.
Suno diri, dako naman ini nga pagpanghangkat sa mga nagsulod sa kooperatiba ukon korporasyon bangod madamo na sang magabyahe sa dalanon kag madamo na sang kompetisyon.
Dako ang pagpasalamat ni Catedral nga bisan gamay lang ang provisional authority nga nahatag sa ila, ang imporante diri amo nga makarenew sila sa pagparehistro sang ila salakyan.
