Nagpain ang Government Service Insurance System (GSIS) sang masobra P8 billions agud nga ipautang sa miyembro kag pensioner sini nga tuman nga naapektuhan sang mga nakaligad nga bagyo.
Suno sa GSIS, ang emergency loan ang ginatanyag sa 363,547 nga miyembro kag pensioner sa pila ka mga rehiyon.
Gin-athag sang ahensya nga ang deadline sa pagsumiter sang application para sa mga luyag mag-loan ang depende sa rehiyon.
Sa Isabela, tubtub sa Sabado, Enero 4 na lamang.
Samtang sa Enero 5 naman sa mga probinsya sang Ifugao, Nueva Vizcaya, kag mga banwa sang Burgos kag Bautista sa Pangasinan.
Samtang ang mga kwalipikado nga miyembro sa probinsya sang Cagayan ang may yara tubtub ika-16 sang Enero para magsumiter sang application.
Ginhatagan naman sang extension nga magsumiter ang Sorsogon City,Bacon kag Casiguran tubtub Pebrero 5 kag kag Pebrero 21 ssa probinsya sang Masbate.
Ang mga qualified amo ang miyembro nga naga-istar sa mga lugar nga napaidalom sa state of calamity, nakahulog sa GSIS sang anum ka bulan, wala sang ginapangatubang nga kaso kriminal kag administratibo kag nagabaton sang P5,000 nga sweldo.
Mahimo nga magloan sang tubtob P20,000 sa mga wala ginabayaran nga emergency loan kag tubtob P40,000 naman sa mga may utang pa nga ginabayaran sa GSIS apang indi pwede nga maglapaw sa P20,000 kon nabuhin na nag kabug-usan nga bayad sa una nga gin-utang.
