Padayon nga nagahulag ang Super Typhoon Bavi sa Mariana Islands sa nakatundan nga dagat Pasipiko, sa diin gin-igo sini ang Guam, Tinian, Saipan, kag Rota.
Santo sa U.S. National Weather Service, isa na ka Category 5 nga bagyo ang Bavi kag ginalauman nga maga landfall ang eyewall sini sa Rota sa Northern Mariana Islands, nga may kabaskugon sang hangin nga nagadangat sa 290 km/h, samtang mahimo pa maglab-ot sa 346 km/h ang pagmadlos sang hangin.
Ginpaandaman man ang mga residente sa mga nasambit nga lugar nga magpabilin sa sulod sang balay ukon sa luwas nga lugar kun kinahanglan.
Nagbukas naman sang evacuation center ang Guam.
Isa sa mga importante nga teritoryo sa rehiyon ang Guam bangud diri makita ang pila ka mga mayor nga pasilidad kag base militar sang Estados Unidos.
