Aminado man ang mangunguma nga nagfile sang Certificate of Candidacy agud magpadalagan bilang gobernador sa Negros Occidental nga iya ang indi magdaog.
Suno kay Ferdinand Etabag Diego alyas Bongbong Gorilla, 50 anyos kag residente sang Barangay Gatuslao, banwa sang Candoni, Negros Occidental wala man ini nagalaom nga siya ang magadaog bilang gobernador sang Negros Occidental bangud bisan sa pagpadalagan sini bilang konsehal sa banwa sang Candoni siya ang wala nagadaog.
Suno kay Diego, ang iya pagfile sang COC kag pagpadalagan ang agud nga matalapungdan man ang ila mga problema sa duta sa kabukiran sang Candoni.
Madumduman nga sang Martes, wala ginbaton nga Certificate of Candidacy nga ginfile sang mangunguma nga si Alicia Cusay Babiera bilang representative ni Diego bangud wala ini sang authorization letter nagikan sa natungdan.
