60 percent na ang preparasyon sang Gugma Foundation Incorporated nga amo ang maga-organize sang Bacolod Masskara Festival 2025.
Sa interview sang Bombo Radyo kay Director Rodney Ascalon, presidente sang Gugma Foundation Incorporated, may yara sila sang grand launching sa Setyembre sa tanan nga activities nga matabo sa Masskara Festival sa Oktubre.
Suno diri, nakaintindi siya sa mga dancers, sa events, sa budget kag kun paano mangin engrande ang festival.
Luyag sini nga matuman ang luyag ni Bacolod City Mayor Greg Gasataya nga ang Masskara Festival maga-unite sa mga tawo, madamo sang magapartisipar, madamo sang malipay kag madamo sang oportunidad nga dal-on ang festival.
Dugang pa ni Ascalon, sa karun tinutuyo nga ang Bacolodnon indi lamang mangin audience apang mangin participant gid sang Masskara Festival.
Nakabati man ini sang mga opinyon nga madasig lang ang ila preparasyon nga nag-umpisa sang Hunyo bangod kalabanan naga-umpisa sa pagpeprarar sa summer pa lamang, apang nagpasalig ini nga ginahimo nila ang ila trabaho.
Ang highlights sang Masskara festival natalana sa Oktubre 17, 18 kag 19 apang may yara pa sang after party sa Oktubre 26.
