Ginahulat pa sang provincial government sang Negros Occidental ang guidelines gikan sa Department of Budget and Management angot sa pagpanghatag sang Service Recognition incentives ukon SRI sa mga empleyado sang probinsya.
Madumduman sang 2024 ang gin-grant sang national incentives nga mabaton sang mga empleyado nga SRI ang P20,000 santo man sa guidelines nga ginhatag sang DBM.
Sa interview kay Negros Occidental Governor Eugenio Jose “Bong” Lacson, hulaton pa nila ang guidelines halin sa nasambit nga ahensya agud nga mahatag ang SRI sa empleyado sang probinsya.
Magluwas sa SRI ang mga empleyado sang provincial government ang may palaabuton man nga P30,000 bilang Collective Negotiation Agreement (CNA).
Suno kay Lacson ang PBB (Performance-Based Bonus) naman ang mabaton sang mga empleyado depende sa kadasigon sang mga department heads sa pagcomply sang mga rekisitos.
