Gin-athag sang Regional Legal Officer sang Department of the Interior and Local Government (DILG)-Negros Island Region ang mga guidelines sa P20,000 scholarship grant sa idalom sang Bawat Barangay Makikinabang Program (BBMP).
Sa interview sang Bombo Radyo Bacolod kay Atty. Neil Andrew Yanson, ang DILG ang nagpagwa sang guidelines sa idalom sang DILG Memorandum Circular 2026-038 kag diri nakasaad kun sin-o ang qualified sa nasambit nga scholarship kag paano gin-release ang pondo.
Suno kay Yanson, ang pondo sang scholarship ang yara sa P100,000 para sa lima, ukon P20,000 sa kada scholars.
Suno diri santo sa DILG guidelines dapat mahatagan sang prayoridad ang graduating nga college student, nalakip sa vulnerable ukon low-income households, yara sa risgo nga magauntat sa pagtuon bangud sa kapigaduhon, wala gid sang bisan isa nga miyembro sang pamilya nga nakagraduate sa kolehiyo kag dapat bonafide resident sang barangay.
Suno kay Yanson, kun wala sang makita nga 4th year students, puede man ang 5th kag 6th as long as graduating kag kun wala pa gid mahimo na makapasulod sang 3rd year college students.
Suno kay Yanson ang purpose sang pondo amo ang finisher fund.
Suno sa regional legal officer sang DILG-NIR ang screening sang scholars ang dapat just, fair kag transparent.
Suno diri, pananglitan nga diutay lang ang incoming graduating student kag ang bata sang Barangay Official ang qualified sa mga criteria mahimo man ini maka-avail.
