Ginahulat pa sang city government sang Bacolod ang guidelines sang Department of Budget and Management (DBM) bangud ang National Food Authority (NFA) ang nagahulat man sang guidelines nga ipagwa sang nasambit nga ahensya para sa gin-aprubahan nga budget para sa gratuity pay sang mga job order casuals sang syudad.
Sa interview sang Bombo Radyo Bacolod kay Atty. Karol Joseph Chiu, secretary to the mayor, ginalantaw sang syudad sang Bacolod sa pagpanguna ni Bacolod City Mayor Alfredo Benitez nga ang budget ang ibakal sang bugas kag ipanagtag sa mga JOs apang indi man makadali dali bakal ang syudad sa NFA kun wala sang guidelines.
Suno kay Chiu, 25 kilos sang bugas ang ihatag sang syudad sa mga JOs apang ang problema sa karun ang proseso sang pagbakal sang bugas sa NFA kag kinahanglan nga magpaidalom sa government procurement process.
Ginpahayag nga sa P6 million nga budget makabakal sang 4000 ka sako sang bugas.
Ginatutukan sa karun sang syudad ang procurement process sang bugas para ipanagtag sa JOs.
Nagpasalig man ang NHA nga may yara sang bastante nga supply sang bugas para sa kadamuon nga baklon sang syudad.
