Ginbaliskad sang Korte Suprema ang guilty verdict sang Sandiganbayan batok kay anay First Lady Imelda Marcos.
Sa desisyon nga ginpagwa sang First Division sang Korte Suprema, ginbaliskad ang conviction sang anay First Lady sa pito ka kaso sang graft.
Ini nga desisyon nahanungod sa mga alegasyon angot sa financial interest ni Marcos sa pila ka mga pribado nga organisasyon sa Switzerland kadungan sang iya termino bilang Minister of Human Settlements, Metro Manila Gov ernor, kag interim member sang Batasang Pambansa sang 1978 tubtob 1984, apang nakitaan sang kakulang sa ebidensya agud mapamatbatan ang anay First Lady.
Ang nasambit nga desisyon ang ginpagwa ni Associate Justice Rodil Zalameda sadtong Hunyo 10, 2026 apang kahapon lang ginpahibalo sa publiko.
Bangud sini, ginpaiway ang desisyon sang Anti-graft Court nga napamatud-an nga ‘guilty’ si anay First Lady Imelda Marcos nga may sentensya nga anum tubtub onse ka tuig sa tagsa ka count sang kaso kag perpetual disqualification sa public office.
