Nagdangat na sa 194 ang mga nagkaladakpan nga mga naglapas sa election gun ban sa Western Visayas.
Sa interview sang Bombo Radyo Bacolod kay Police Lt. Col. Arnel Solis, tagpamaba sang Police Regional Office 6, pinakamadamo sa gihapon nga nagkaladakpan ang Negros Occidental Police Provincial Office (NOCPPO) may yara sang nadakpan nga 67 ka violators, ginsundan sang Iloilo PPO nga may yara sang 30; 25 sa Aklan PPO; 20 sa syudad sang Iloilo; 18 sa Bacolod City Police Office; 16 sa probinsya sang Antique; 11 sa Capiz PPO kag 11 sa Guimaras.
Kabug-usan naman nga 109 ka assorted firearms kag kabug-usan nga 98 ka bladed weapons ang naconfiscate nagikan sa mga violators.
Suno kay Solis ang data ang nagapakita lamang nga maayo ang effort nga ginhatag sang mga kapulisan agud nga ipatuman ang comelec gun ban.
Ginapakita man sang data nga mabaskog man ang suporta nga ginahatag sang mga pumuluyo bangud kalabanan ang ginreport sang mga komunidad kag sa tion sang pagresponde sang mga kapulisan nakuhaan sang armas kag deadly weapons ang mga ginreport nga indibidwal.
Padayon man ang pagpatuman sang COMELEC gun ban tubtob sa Hunyo 8, ang katapusan nga adlaw sang election period.
