Gun ban violators sa Western Visayas, nagdangat na sa 83; 36 ang nagikan sa Negros Occidental

83 tanan ka mga indibidwal ang nagkaladakpan nga nagbayolar sang Comelec Gun Ban sa Western Visayas humalin sang nagsugod ang election period.

Suno kay Police Lt. Col. Arnel Solis, tagpamaba sa Police Regional Office 6, 83 ka mga indibidwal ang nagbayolar sa ginapatuman nga gun ban kun sa diin 52 ka mga armas luthang ang narecover kag 26 ka mga bladed weapons.

Sa 83 ka mga violators, 36 diri ang nagikan sa Negros Occidental, walo sa Bacolod, napulo sa Aklan, tatlo sa Antique, apat sa Capiz, isa ka Guimaras, 15 sa Iloilo Province kag anum sa Iloilo City.

Nagpanugyan naman si Solis sa mga pumuluyo nga indi magbayolar sa gina-implementar nga Comelec Gun kag indi magdala sang armas kag deadly weapon sa pampubliko nga lugar.