Gun ban violators sa Western Visayas, nagdangat na sa malapit 180; Negros Occidental nagapanguna gihapon sa may pinakamadamo

Nagdangat na sa 177 ang mga nagkaladakpan nga mga naglapas sa election gun ban sa Western Visayas.

Nakarecord na sang 60 sa probinsya sang Negros Occidental, samtang 16 ang sa syudad sang Bacolod.

May yara sang nakompiskar nga 36 firearms sa Negros Occidental samtang 12 ang confiscated firearms sa syudad sang Bacolod.

Samtang ang Negros Occidental Police Provincial Office (NOCPPO) ang nakakumpiskar na sang 26 ka deadly weapons, samtang anom naman ang nakumpiskar sang Bacolod City Police Office (BCPO).

Samtang sa bilog nga Western Visayas, may yara sang nakompiskar nga 98 firearms kag nagdangat naman sa 89 ang confiscated deadly weapons.