Pilason ang tatlo ka mga persona sa ginpatigayon nga gun buybust operation sang Criminal Investigation and Detection Group (CIDG)-Bacolod sa Villa Socorro Subdivision, Phase 2, Barangay Taculing pasado alas 11:00 kaina sang udto.
Sa impormasyon nga nakuha sang Bombo Radyo, nagasakay sa puti nga Mitsubishi Montero ang poseur buyer samtang nagasakay naman sa motorsiko ang duha ka mga suspetsado nga sanday Michael Bintoroso, 44-anyos, residente sang San Carlos City kag Alex Vilegas, 33-anyos, residente sang Barangay Pahanocoy, Bacolod City.
.45 calibre pistol ang dala sang mga suspetsado samtang may armas naman ini nga 9mm pistol.
Sang nagdeklarar nga gun buybust operation ang natabo, nag-agaway sila sang armas kag napilasan sa kamot sang poseur buyer si Police Corporal Rey Silvestre.
Pilason man sanday Bintoroso kag Vilegas.
Sa karun gindala sa ospital ang tatlo para sa nagakaigo nga pagbulong.
Nangin madinalag-on naman ang ginpatigayon nga gun buybust operation kag nakumpiskar ang isa ka unit sang calibre .45 pistol armscor nga may duha ka mga magazines; isa ka unit sang 9mm pistol nga may tatlo ka mga magazines; duha ka unit sang cellphone kag isa ka unit sang motorsiklo.
