Nagpreparar na ang Gymnastics Association of the Philippines (GAP) para sa Los Angeles Olympics sa 2028.
Ginplastar na Gymnastics Association of the Philippines (GAP) president Cynthia Carrion ang ila nga preparasyon sa masunod nga Olympics sa paglaom nga masundan ang kadalag-an ni Filipino gymnast double-gold medalist Carlos Yulo sa Paris Olympics.
Suno kay Carrion, nagaplano sila nga mag-hire sang foreign coach nga mahimo mag-uyat kay Yulo kag sa bug-os nga gymnastics team para sa masunod nga edition sang Summer Games sa United States.
Indi naman bag-o ang paghire sang foreign coach para sa association.
Sang 2013, gin-tap sang gymnastics body ang services ni Japanese mentor Munehiro Kugimiya, nga nagbulig kay Yulo agud magiyahan ini para sa iya career tubtob nga nagseparar ang ila banas.
Sa idalom ni Kugimiya, si Yulo nakadaog sang pila ka titles,kalakip na ang duha ka gold medals sa World Championships kag multiple titles sa SEA Games.
Kasunod sini nga nagdesisyon ang GAP nga mag-hire sang local coach nga magagiya kay Yulo para sa iya Olympic journey sa Paris kun sa diin kaupod si Filipino tactician Aldrin Castaneda.
Nagbunga man ini sang maayo nga resulta bangud sa pagdaog ni Yulo sang duha ka gold medals sa floor exercise kag vault.// Ini nga tikang ang magapreparar sa GAP sa mission nga magpadala sang team sa LA 2028.
Ginatarget man ni Carrion nga ilakip ang manghod ni Yulo nga si Eldrew.
