Nagkalaguba kag nagkalapan-os ang mga pagkaon sa ginatos ka mga supermarket sa Paris matapos ang isa ka major cyberattack kun sa diin gin-adjust sang mga hackers ang temperatura sang mga freezer kag fridge.
Ginpasaka sa 50 degrees Celsius ang temperatura kag ini ang nagpabilin tubtob mag-aga nga nagresulta man sa sunog.
Santo sa prosecutor’s office sang Paris, apektado ang mga mayor nga food retailers sa bug-os nga France kag ginlaragway ini nga lapnagon nga pag-atake.
Nagpakig-angot na ang France sa mga European counterpart bangud posible nga maapektohan man ang iban nga pungsod.
Suno naman kay Felix Aime, isa ka senior cyber threat intelligence analyst sa Sekoia Threat Detection and Research, apektado man ang Spain, Portugal, Poland, Germany, kag Belgium.
Pila naman ka mga tag-iya sang mga food retailers ang nagpanghaboy na sang mga naguba nga pagkaon agud makalikaw sa health risks.
