Ginkumpirmar sang Google nga ginatarget sang mga hackers nga ginasuportahan sang Iran ang mga kampanya nanday US presidential rivals Kamala Harris kag Donald Trump.
Isa ka hacker group nga kilala bilang “APT42” nga naangot sa Islamic Revolutionary Guard Corps sang Iran ang masami nga nagatarget sa mga high-profile individuals kag mga organisasyon sa Israel kag Estados Unidos lakip na ang mga opisyales sang gobyerno kag political campaigns suno sa isa ka threat report nga ginrelease sang Google.
Suno sa kampanya ni Democratic presidential candidate Kamala Harris, ini ang nangin target sang mga foreign hackers samtang ginpahayag man sang kampanya ni Donald Trump nga ini ang ginhack sang Iran.
Nagapadayon sa pag-imbestiga ang threat analysis group sang Google sa wala nangin madinalag-on nga mga attempts nagikan sa APT42 nga makompromiso ang mga personal accounts sang mga indibidwal nga naangot kay President Joe Biden, Vice President Harris kag Trump.
