Hagna nga magahatag sang franchise sa Negros Electric and Power Corp, magalabay pa sa bicameral committee

Nagpasalamat ang presidente kag Chief Executive Officer sang Negros Electric and Power Corp. (NEPC) sa mga konsumidor nga nagsuporta sa pagprocess sang franchise sang NEPC nga ginpasar na sang Senado sa third and final reading sang Lunes.

Suno kay Roel Castro, sa karun nga natapos na ang third reading sang House Bill 9805 ang hagna para sa franchise sang NEPC sa senado, igapasa na ang version sa House of the Representatives.

Apang, kun may yara pa sang dapat nga idiskusyonan kag klarohon, magaagi pa ini sa bicameral meeting.