Ginfile sa House of Representatives ang hagna nga magapataw sang death penalty pinaagi sa firing squad sa mga public officials nga maconvict sa corruption-related criminal charges nga may-ara na sang finality.
Ini ang ginpropose ni Zamboanga Representative Khymer Olaso sa idalom sang House Bill 11211 ukon Death Penalty for Corruption Act.
Covered sa nasambitan nga hagna ang tanan nga public officials, elected man ukon appointed, kalakip ang mga opisyales sa executive, legislative, judicial branches, mga nagaserbe sa constitutional commissions, government-owned and controlled corporations, kag iban pa nga instrumentalities, members sang Armed Forces of the Philippines (AFP) kag Philippine National Police (PNP).
Kalakip sa convictions sa Sandiganbayan ang Graft sa idalom sang Anti-Graft and Corrupt Practices Act, Malversation of public funds kag Plunder.
Apang naathag man nga wala sang dapat nga patyon paagi sa firing squad kun ang conviction ang wala pa ma-affirm sang Korte Suprema.
Ang conviction ang dapat nakalabay man sa mandatory automatic review process nga required sang konstitusyon kag iban pa nga applicable laws; kag dapat nagamit na sang akusado ang tanan nga available nga legal remedies sa idalom sang layi, kalakip na ang appeals kag motions for reconsideration.
