Natalana nga permahan ni President Ferdinand “Bongbong” Marcos Jr. sa Agosto 12 ang hagna nga may tinutuyo nga i-postpone ang 2025 Barangay and Sangguniang Kabataan Elections (BSKE).
Suno kay Commission on Elections Chairperson George Garcia, sila ang ginpahibalo sang Malacañang nga may yara sang isa ka formal signing sang layi natuhoy sa BSKE fixing of term and postponement sa Agosto 12, alas 2:00 sang hapon.
Madumduman nga gin-aprubahan sang House of Representatives kag Senado ang hagna nga nagapostpone sang pagpatigayon sang BSKE sa una nga Lunes sang Nobyembre 2026 kag kada apat ka tuig pagkatapos sini.
Suno kay Garcia, apisar sang pagpasar sang nasambit nga layi, sila ang magapadayon sa ila mga preparasyon para sa BSKE, nga gintalan sa Disyembre 1 bangud posible nga kwestiyunon ini sa Korte Suprema kag kun magpagwa sang isa ka temporary restraining order, dapat preparado ang ahensya.
