Gin-aprubahan na sang Senado sa third and final readling ang isa ka hagna nga nagaset sang termino sang Barangay and Sangguniang Kabataan officials sa apat ka tuig.
Ang Senate Bill 2816 ukon ang proposed Act Setting the Term of Office of Barangay Officials and Members of the Sangguniang Kabataan, ang gin-aprubahan nga may 22 affirmative votes, zero negative votes kag zero abstentions.
Suno kay Senator Imee Marcos nga amu ang sponsor sang hagna, sila ang nagkompromiso sa level sang apat ka tuig nga ang masunod nga Eleksyon ang matigayon sa Oktubre 20, 2027.
Tatlo ka consecutive terms ang mangin limit kag ang SK charter ang magaprevail sa tanan nga petsa nga nagatumod sa SK kag ang incumbent nga mga kapitan ang mabutang sa holdover capacity tubtob sa masunod nga Eleksyon sa 2027.
Ang assumption sang office ang matigayon sa Nobyembre 1 matapos ang ila Eleksyon.
Matapos ang approval sang bill, ginpahayag ni Senator Robin Padilla nga indi supisyente ang isa ka three-year term agud mafulfill ang ila mga plataporma kag programa.
