Aprubado na sa third and final reading sa House of Representatives ang House Bill No. 6731 nga maga-establish sang tertiary hospital sa ciudad sang Bacolod.
Ang hagna nga “An Act Establishing a Hospital in the City of Bacolod, Province of Negros Occidental to be known as the Bacolod City District Hospital and Appropriating Funds Therefor” ang ginpropose mismo ni Bacolod City Lone District Congressman Greg Gasataya sadtong Hulyo 1, 2019.
Suno kay Gasataya, ginapasalamatan sini ang iya mga kaupdanan sa House committee on heald kag sa 18th Congress sa pagbulig nga maaprubahan ang amo nga hagna.
Suno diri, santo sa guidelines sang Department of Health, ang tertiary general hospital ang naga-offer sang serbisyo kaangay sang Family Medicine, Pediatrics, Internal Medicine, Surgery, Obstetrics and Gynecology, Emergency Services kag Outpatient Services.
Nagatanyag man ini sang Ancilliary kag Support Services kaangay sang clinical laboratory, imaging facility kag pharmacy.
Nagalaom ini nga ma-fast track sa Senado ang nasambit nga hagna agud nga maaprubahan gilayon ni Presidente Rodrigo Duterte.
Ginkumpirmar man ni Gasataya nga nagkomiter na ang DOH nga willing sila magpondo sa pagpatukod sang ospital samtang ang city government naman ang magapangita sang duta nga pagatukuran sini.
