Ginpahayag ni Bacolod City Lone District Congressman Greg Gasataya nga prayoridad sang Committee on Local Government sa House of Representatives ang hagna nga nagaduso sa redistricting sang Bacolod.
Suno kay Gasataya, nagapanguna ang redistricting sang Bacolod City sa mga prayoridad kag una nga itackle sang Committee on Local Government sa Kamara kag ginalauman nga sa masunod nga tuig, makapatigayon na sang hearing sa committee level.
Kun ini ang maaprubahan sa lower house, suno sa kongresista, ini ang igapasaka naman sa Senado kun sa diin suno diri, may mga Senador man nga handa magbaton sang hagna.
Nagalaom ini nga maaprubahan sa madasig nga tinion ang hagna bangud ini ang kinaghanglanon sang ciudad.
Magluwas sa dugang nga representative sa Kamara, ang redistricting sang Bacolod sa duha ka mga distrito ang nagapatimaan man sang dugang nga pondo kag dugang nga mga proyekto para sa ciudad.
Suno sa iya, mangin ang Commission on Elections ang naghambal nga long overdue na ang redistricting sang ciudad kag ini ang kinahanglanon na sa kadamuon sang populasyon sa ciudad nga nagadangat sa masobra 300,000.
