Gin-aprubahan na sang mga kongresista sa boto nga 171 ang hagna nga magahatag sang dugang nga P200 nga sweldo sang mga minimum wage earners sa mga trabahante sa pribado nga sektor.
Ini ang mas mataas sa gin-aprubrahan sang Senado nga P100.
Sa session sang House of Representatives sa plenary sang Miyerkules, 171 ka mga kongresista ang nagboto agud aprubahan ang nasambit nga hagna, wala sang may nagpamatok kag isa ang nag-abstain.
Suno kay House Assistant Minority Leader Arlene Brosas sang Gabriela party-list, madugay na nga ginahulat sang mga trabahante ang nasambit nga hagna.
Suno diri, kinahanglan nga padayunon ang pagpasar sini tubtob nga ini ang permahan sang Presidente.
Suno naman kay Cavite Rep. Jolo Revilla, isa sa mga author sang nasambit nga hagna, ini ang panugod pa lamang sang pag-uplift sang kabuhi sang mga pumuluyo.
