Napadala na kay President Ferdinand Marcos Jr. ang hagna para sa pagpalawig sang termino sang mga elected nga Barangay kag Sangguniang Kabataan officials.
Ini ang ginkumpirmar ni Senate President Sherwin Gatchalian matapos maaprubahan sang Senado kag Kamara ang hagna.
Suno kay Gatchalian, kumpiyansa siya nga pirmahan ini sang Presidente.
Nagalaum man ang Senate President nga mapirmahan ni Pres. Marcos ang hagna sini nga semana.
Wala na nag-agi sa bicameral conference ang hagna matapos gin-adopt sang House of Representatives ang version nga gin-aprubahan sang Senado.
Sa idalom sang hagna, liwat nga i-kansela ang Barangay and Sangguniang Kabataan Elections (BSKE).
Natalana kuntani nga ipatigayunon ang BSKE sa Nobyembre 2, apang sa oras nga mangin layi na ang hagna, liwat nga i-suspender ang eleksyon.
