BACOLOD CITY-Gin-inagurahan na ang Halandumon Tower sa corner sang Gonzaga-Gatuslao Sts. sa ciudad sang Bacolod kagab-i.
Ang inagurasyon ang ginpangunahan ni Mayor Evelio Leonardia upod ang iban nga opisyales sang ciudad.
Ini ang kabahin lamang sang mga programa sang ciudad para sa una nga June 18 Charter Day celebration sang Bacolod.
Ginpaathag naman sang architect sang tower nga si Jiko Monte nga isa ini sa mga icons sang ciudad matapos nga gintadlong na ang charter day celebration pinaagi sa RA 11146.
Suno kay Monte, ang walo ka octagon nga nagabug-os sang column ukon sang tower ang nagasimbolo sang walo na ka dekada nga naga-eksister ang ciudad sang Bacolod.
Kun madumduman, October 19 sang una gina-selebrar ang charter sang Bacolod ukon ang adlaw nga gin-inagurahan ini sang 1938.
