May patigayunon nga half road closure sa 3rd Street, Lacson St tubtob sa 22nd Street, lakip na ang South and North Capitol Road, subong nga Oktubre 12 tubtob 14 kadungan sa selebrasyon sang Masskara Festival 2026.
Ini ang maga-umpisa alas-9:00 karun sa gab-i tubtob alas-5:00 sang aga.
Samtang, ipatuman naman ang full road closure sa Oktubre 16 tubtob 18 para sa highlights sang kapiestahan halin alas-2:00 sang hapon tubtob alas–5:00 sang aga.
Sa interview sang Bombo Radyo kay Pmaj. Elmer Bonilla, pinuno sang Bacolod Traffic Enforcement Unit, may designated na nga mga kapulisan sa nasambit nga mga dalanon sa bulig man sang BTTMD nga magabantay sa sulod sang nabilin nga pila ka adlaw sang selebrasyon.
Suno diri, available ang Hilado St kag San Juan St kun inkaso mabudlayan ang mga salakyan sa dalan Lacson.
Pahayag ni Bonilla, lauman nga magadamo pa gid ang mga festival goers gani sila ang naga-monitor man sa area kun kinahanglanon sang dugang nga deployment sang kapulisan.
