Kapin sa 500 grams sang suspected shabu ang nakumpiskar sang Bacolod Police Station 2 sa 60 anyos nga babayi kag 18 anyos nga lalaki sa Prk. Rose, Barangay 9, Bacolod City, Negros Occidental, kaina ala- 1:01 sang kaagahon.
Ang mga suspetsado ang ginkilala nga sanday Elizabeth Domaniel, 60 anyos, negosyante, kag residente sang Prk. Acacia 1, Brgy. 27, Bacolod City, kag Jupet Celiz,18 anyos, trisikad driver kag residente sang Prk 8, Brgy. Tangub, Bacolod City.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, nakumpiskar gikan sa duha ang walo ka knot tied sang suspected shabu nga ginabanta nagabug-at sang kapin 500 grams kag nagabalor sang P3,400,000.
Suno diri, sa karun nga masako ang tanan sa selebrasyon sang Masskara Festival 2024, masako man ang pagbuhat sang illegal.
Dugang pa sini, nagapati ang mga involved sa illegal nga druga nga maayo nga tion nga magdistribute sang item kag magbaligya sang illegal nga druga sa tion sang Masskara Festival.
Ginalantaw man sini nga may kaangtanan ang pag-aresto kay Kenn Tecson alas Biboy kagab-i sa , Barangay Singcang-Airport, Bacolod City sa pagdakop man sa duha ka suspek nga sanday Domaniel kag Celiz kaina sang kaagahon.
Madumduman nga naaresto si Tecson kagab-i matapos makuhaan sang P3.4 million nga balor sang illegal nga druga.
