Gin-umpisahan na kagab-i ang half road closure sa dalan Lacson para sa ingress sang pila ka mga kiosko para sa 3-day highlight sang Masskara Festival 2026 nga natalana sa October 16,17 kag 18.
Sa interview kay Bacolod City Mayor Greg Gasataya, nag-request ang Bacolod Gugma Foundation sa City government nga magatemprano sila sa pagplastar bangud madamo ang mga ini sang kinahanglan ibutang.
Suno pa kay Gasataya nga kun sa Oktubre 14 pa mangin gahol na sa ila oras kag mahimo nga indi pa ang mga ini makatapos antes ang adlaw sang highlights
Ang desisyon ang gintugyan naman sang Bacolod City Council kay Mayor Gasataya bangud siya man sagihapon ang makadesisyon.
Ginpasugtan man sang alkalde ang hingyo sang Bacolod Gugma Foundation.
Nahibaluan nga ginpatuman ang half road closure alas 9:00 ang takna sang aga tubtob alas 5 ang takna sang aga sa 3rd Street, Lacson St tubtob sa 22nd Street, kalakip na ang South and North Capitol Road,kahapon Oktubre 12 tubtob 14 kadungan sa selebrasyon sang Masskara Festevial 2026.
Sa kaangot nga balita sa October 16 tubtob 18 alas 2:00 ang takna sang hapon tubtob alas 5:00 sang kaagahon ipatuman ang full road closure sa 3rd Street, Lacson St tubtob sa 22nd Street, kalakip na ang South and North Capitol Roas.
Sa October 14 tubtob 18 ipatuman ang full road closure sa North Capitol.
Samtang full road closure alas 5 tubtob alas 6:00 ang takna sang aga sa 3rd Street, Lacson St tubtob sa 22nd Street, kalakip na ang South and North Capitol Road para sa pagpanghimos.
