Nagdangat na sa P3.11 billion ang kahalitan nga ginbilin sang Bagyo Kristine sa agrikultura santo sa panibag-o nga data nga ginpagwa sang Department of Agriculture.
Sa report sang ahensya ang tuman nga naapektuhan sa agrikultura amo ang bugas nga ginabanta magadangat sa 152,440 metric tons, sunod ang mais nga may 1,461 metric tons, cassava nga may yara sang 126 metric tons kag para sa high-value crops nga may yara sang 6,014 metric tons.
Apektado man ang mga hinuptanan nga sapat nga magadangat sa 2,862 sa mga ini ang napatay samtang 98 nga mananagat ang apektado man.
Ginpahayag sang DA nga maghatag ini sang P541.02 million nga balor sang agricultural input nagikan sa mga field office sini para sa mga apektado nga rehiyon.
Nauna na nga gin-anunsyar sang ahensya sang Sabado nga maghatag man sang P1 billion paagi sa Quick Response Fund agud nga mabuligan nga makabangon ang mga apektado nga lugar.
Makabaton man ang mga mangunguma sang tubtob P25,000 nagikan sa Recovery Loan Program sang DA, nga mahimo bayaran sa sulod sang tatlo ka tuig nga wala sang interest.
