Nagpasalig ang chairperson sang committee on agriculture sa ciudad sang Bacolod nga magamay lamang ang epekto sang El Nino sa bahin sang agrikultura sa ciudad.
Sa interview sang Bombo Radyo Bacolod kay Councilor Jude Thaddeus Sayson, ang agrikultura sa ciudad sang Bacolod ang magamay lamang kag nagasalig sa patupa ukon Rainfed farming nga nagasalig sa ulan kag may yara man sang nagasalig sa deepwell.
Suno diri, naga-umpisa ang pagtanum sa bulan sang Mayo tubtob sa Agosto, kag ang pagharvest naman ang sa bulan sang Setyembre kag sa Pebrero, apang ang mga tanum sa second crop ang maapektuhan naman bangod sa summer season.
Apang, suno kay Sayson, kun mapabilin nga maayo ang pagpamunyag sa mga tanum, maayo nga harvest ang makuha apang, ini posible nga ibaligya sa mahal nga presyo bangod indi basta-basta ang pag-atipan kag pag-tanum sini sa mainit nga panahon.
Samtang, nakahanda naman ang ciudad sang Baacolod inkaso nga may yara sang dapat nga ipaggwa nga ayuda para sa mga mangunguma.
