Nagdangat sa masobra sa P8 million ang balor sang halit sang sunog nga nagluntad sa ciudad sang Bacolod humalin sang Enero tubtob sa Pebrero 13, 2024 santo sa rekord sang Bacolod Fire Station.
46 tanan ang narekord nga fire incidents kun sa diin 30 diri ang nagluntad sa bulan sang Enero kag 16 naman sa bulan sang Pebrero 1 tubtob sa Pebrero 13.
Nalakip sa lista ang 20 ka residential fire incidents, isa ka industrial fire incident, duha ka storage fire incidents, tatlo ka commercial, duha ka business, lima ka vehicular, anum ka sugarcane ukon grass fire, lima ka rubbish fire kag duha ka post ukon electrical fire incident.
28 gikan sa 46 ka mga recorded nga sunog ang ginakabig nga under minimal damage fire incident kun sa diin nagdangat sa P8, 911, 000 ang kabug-usan nga balor sang halit sang sunog.
