Ginpanagtag na sa tagsa ka mga Local Government Units sa probinsya sang Negros Occidental ang mga official ballots nga gamiton sa May 12 midterm elections kahapon.
Sa kabug-usan nga Negros Island Region nakumpleto na panagtag ang mga official ballots.
Samtang subong nga adlaw patigayonon sa probinsya sang Negros Occidental ang final testing kag sealing sang Automated Counting Machines.
Sa interview sang Bombo Radyo Bacolod kay Donato Sermeno, regional director sang Office of the Civil Defense Negros Island Region, may ginplastar naman ang Office of the Civil Defense kag ang Commission on Elections (COMELEC) nga temporaryo nga polling precincts sang mga Internally Displaced Persons (IDPs) kasunod sang paglupok sang Bulkan Kanlaon.
Sa Bago City may yara sang 2102 ka mga Internally Displaced Persons (IDPs) ang magaboto sa temporaryo nga polling precincts sa Barangay Ilijan, sa La Carlota may yara sang 718 ka mga botante sang Barangay Ara-al kag Barangay Yubo kag sa La Castellna may apektado sa Barangay Biak na Bato, Cabagna-an, Mansalanao kag Barangay Masulog kun sa diin ang mga botante ang nagdangat sa 2116 voters.
Nagdangat sa 4,982 voters ang magaboto sa alternative polling centers sa probinsya sang Negros Occidental.
