Hamas Commander, asawa sini kag duha ka kabataan, patay sa airstrike sang Israel sa Gaza

Ginkumpirmar sang Hamas nga napatay sa isa ka airstrike ang commander sang ila military wing nga si Mohammed Odeh kaupod ang iya asawa kag duha ka bata, sang Mayo 27 (oras sa Gaza).

Santo sa report, gintarget sang Israeli forces ang isa ka residential building sa Gaza sa diin ginapatihan nagapanago si Odeh matapos ini nga ginamonitor sang pila ka bulan.

Madamo man sang ginbawian sang kabuhi kag pilason sa pagpang-atake.

Padayon gihapon ang kinagamo sa Gaza apisar yara sa idalom sang ceasefire sa tunga sang Israel kag Hamas.

Samtang ginpanindugan sang Israel nga target nila amo ang mga katapo sang Hamas, apang sila ang gin-akusaran sang Hamas nga nagalapas sa kasugtanan kag gin-ulamid ang mga sibilyan.