Gin-anunsyar sang Hamas nga nagperma ini sang isa ka kasugtanan kaupod ang Beijing kag iban pa nga Palestinian organizations lakip na ang rivals nila nga Fatah nga mag-isa para sa “national unity” kun sa diin ginlaragway sang China ng deal agud pamunuan ang Gaza kun matapos na ang gyera.
Suno kay Chinese Foreign Minister Wang Yi, nga ginhost sanday Hamas official Musa Abu Marzuk, Fatah envoy Mahmud al-Aloul kag mga emissaries nagikan sa 12 ka mga Palestinian groups, sila ang nagkasugot nga magtukod sang isa ka “interim national reconciliation government” agud mapamunuan ang post-war Gaza.
Ang ini nga anunsyo ang natabo matapos ang masobra siyam ka bulan humalin sang nagsugod ang gyera sang nag-atake ang Hamas sa Israel sang Oktubre nga nagresulta sa kamatayon sang 1,197 ka mga persona, kun sa diin kalabanan ang sibilyan.
251 naman ka mga hostages ang nakuha sang mga militante, 116 ang nagapabilin sa Gaza lakip na ang 44 nga ginapatihan sang Israeli military nga wala na sang kabuhi.
Ang retaliatory military campaign sang Israel sa Gaza ang nagresulta naman sa kamatayon sang 39,000 ka mga persona.
