Nagpadala ang Hamas militant sang bag-o nga mga ideya sa Qatari mediators nga may tinutuyo nga tapuson na ang malapit siyam ka bulan nga gyera batok sa Israel.
Ginkumpirmar sang Israel nga gina-evaluate sini ang mga komento sang Hamas natuhoy sa isa ka deal nga hilwayon ang mga hostages sa Gaza kag magapadala sang sabat.
Kadungan sang pagsaka man sang death toll sa Gaza kag paglala sang kondisyon sang enclave kada adlaw, nagasaka man ang pressure sa duha ka bahin agud magkasugot sa isa ka ceasefire nga nasanto sa isa ka roadmap nga ginaduso ni US President Joe Biden.
Ang Hamas ang nagdemand man sang isa ka permanente nga ceasefire kag complete withdrawal sang tropa sang Israel sa Gaza.
Suno naman sa Israel, wala sang pag-untat gyera nga matabo tubtob nga mahilway sang Hamas ang tanan nga hostages nga ginpangkuha sang Hamas sang Oktubre 7.
