Ginpahayag ni Bacolod City Mayor Alfredo Benitez nga madugay na niya luyag nga libuton ang mga public cemeteries sa syudad agud nga personal nga makita ang sitwasyon sini.
Sa paglibot sang alkalde, personal sini nga nasaksihan nga yara na sa poor state ang kahimtangan sang Handumanan Public Cemetery.
Suno kay Benitez, luyag niya nga hatagan sang pagtamod ang amo nga problema.
Suno sa iya, wala labot sa appearance sang patyo, nagapakita lamang ini kon paano hatagan sang pagtamod ang mga tawo nga nagtaliwan na.
Wala man sang suga sa patyo kun sa diin mahadlukan ang mga tawo nga magpadulong didto sa tion sang kagab-ihon.
Natukiban man sang alkalde nga magluwas nga indi manami ang appearance sini, didto pa ginahaboy ang medical waste sang City Health Office.
Gin-istoryahan sang alkalde kahapon sa ginpatigayon nga paghinun-anon kaupod ang mga opisyales sang ciudad kun paano maplastar kag mahatagan sang solusyon ang ginapangatubang nga problema sang Handumanan Public Cemetery.
