Happy Masskara, ini ang mensahe sang alkalde sa mga persona nga nagapalapta sang mga indi insakto nga impormasyon angot sa maabot nga selebrasyon sang Masskara Festival 2026.
Suno kay Bacolod City Mayor Greg Gasataya, kun sa pamatyag sang mga tawo nga may ginahimo sila nga maayo para sa ila kaugalingon, ila na ini.
Apang kun ini ang ginahimo nila agud nga maguba ang gin-ubra sang mga tawo para mangin maayo ang pagpatigayon sang selebrasyon bisan wala sang basehan, magabalik man ini gihapon sa ila.
Suno kay Gasataya, ang Masskara Festival ang indi para sa iya gani ginatugyan na sini ang tanan nga preparasyon sa Bacolod Gugma Foundation.
Ang kapiyestahan para sa mga pumuluyo agud nga mabuligan ang mga negosyo sa ciudad.
Suno sa alkalde nakahibalo naman ang tanan sa motibasyon sang nagahimo sang indi maayo kag may iban pa diri nga madugay na nga kasumpong sa politika.
